ଭୁବନେଶ୍ୱର: ସଂସଦରେ ବଜେଟ ଉପସ୍ଥାପିତ ହୋଇସାରିବା ପରେ ରେଳ ବଜେଟରେ ଓଡିଶା କୁ କେତେ ଅନୁଦାନ ମିଳିଛି। ତାକୁ ନେଇ ସାଧାରଣ ପ୍ରଶ୍ନ ଉଠିଥିଲା । କେନ୍ଦ୍ର ସରକାର ରେଳ ବିଭାଗ ପାଇଁ ୧ ଲକ୍ଷ ୪୦ ହଜାର ୩୬୭ କୋଟି ୧୩ ଲକ୍ଷ ଟଙ୍କାର ବ୍ୟୟ ବରାଦ। କରିଛନ୍ତି। ରେଳ ବଜେଟ୍ରେ ଓଡିଶାକୁ ମୋଟ ୯ ହଜାର ୨୫୪ କୋଟି ଟଙ୍କାର ପ୍ୟାକେଜ୍ ଘୋଷଣା ହୋଇଛି । ଅଶ୍ବିନୀ ବୈଷ୍ଣବ ରେଳ ମନ୍ତ୍ରୀ ହେବାପରେ ଓଡିଶାକୁ ସବୁଠୁ ଅଧିକ ଅନୁଦାନ ମିଳିଛି।
ଦେଖନ୍ତୁ କେଉଁ ପ୍ରକଳ୍ପ ପାଇଁ କେତେ
୧- ଖୋର୍ଦ୍ଧା ରୋଡ୍ ଏବଂ ବଲାଙ୍ଗୀର ରେଳ ପଥ ପାଇଁ ୮୯୧.୧୨ କୋଟି ଟଙ୍କା ।
୨- ଅନୁଗୁଳ ସୁକିନ୍ଦା ପାଇଁ ୪୭୫ କୋଟି ଟଙ୍କା, ହରିଦାସପୁର-ପାରାଦୀପ ପାଇଁ ୮୫ କୋଟି ଟଙ୍କା।
୩- ତାଳଚେର-ବିମଳାଗଡ ପାଇଁ ୨୫୦ କୋଟି ଟଙ୍କା, ଜୟପୁର-ମାଲକାନାଗିରି ପାଇଁ ୧୩ କୋଟି ୮୦ ଲକ୍ଷ ଟଙ୍କା।
୪- ଜୟପୁର-ନବରଙ୍ଗପୁର ପାଇଁ ୮୧ କୋଟି ଟଙ୍କାର, ନୂଆପଡା-ଗୁଣୁପୁର ପାଇଁ ୧୦ କୋଟି ଟଙ୍କା ।
ସେହିଭଳି ଓଡିଶାରେ ରେଳ ଟ୍ରାକ୍ ଡବଲିଂ ପାଇଁ ମଧ୍ୟ ଆର୍ଥିକ ପ୍ୟାକେଜ୍ ଘୋଷଣା କରାଯାଇଛି ।
୫- ଖୋର୍ଦ୍ଧା ରୋଡ୍-ବାରଙ୍ଗ ଡବଲିଂ ପାଇଁ ୧୬୪ କୋଟି ଟଙ୍କା ବ୍ୟୟ ବରାଦ କରାଯାଇଛି।
୬- ସମ୍ଭଲପୁର-ଟିଟିଲାଗଡ ଡବଲିଂ ପାଇଁ ୯୯ କୋଟି ୫୦ ଲକ୍ଷ ଟଙ୍କା।
୭- ବାଂଶପାଲି-ଦୈତାରୀ ଡବଲିଂ ପାଇଁ ୩୦୦ କୋଟି ଟଙ୍କା।
୮- ସମ୍ବଲପୁର-ତାଳଚେର ଡବଲିଂ ପାଇଁ ୧୭୨ କୋଟି ଟଙ୍କାର ବ୍ୟୟ ବରାଦ କରାଯାଇଛି ।
