ଭୁବନେଶ୍ୱର: ଓମିକ୍ରନ ଭୂତଣୁ ବାୟୁରେ 5 ମିନିଟ ଯାଏ ସକ୍ରିୟ ରହୁଛି । ସଂକ୍ରମଣ କରୁଛି। ୨୦ମିନିଟ ପରେ ଏହା ପ୍ରଭାବ ହୀନ। ବାୟୁରେ 5 ମିନିଟ ରହିବା ପରେ ଏହା ଆଉ ସଂକ୍ରମଣ କରୁନି। ତେଣୁ ଯଦି ଆମେ ମାସ୍କ ପିନ୍ଧିବା ଓମିକ୍ରନରୁ ବର୍ତ୍ତି ପାରିବା । ଓମିକ୍ରନ ହେଲେ ବହୁମାତ୍ରାରେ ତଣ୍ଟି ଦରଜ ହେଉଛି । ନାକ ବୋହିବା, ଛିଙ୍କ ଓ ଜ୍ୱର ହେଉଛି । କିନ୍ତୁ ଏହା 4-5 ଦିନରେ ଭଲ ହୋଇଯାଉଛି । ଷ୍ଟଡି କହୁଛି, ଜଣେ ଓମିକ୍ରନ ଚିହ୍ନଟ ହେବା ଅର୍ଥ ଆଉ 60ରୁ 90 ଜଣ ଓମିକ୍ରନ ଆକ୍ରାନ୍ତ ଅଛନ୍ତି ଯେଉଁମାନେ କି ସ୍ୱଳ୍ପ ଲକ୍ଷଣ ବା ଲକ୍ଷଣ ହୀନ କିନ୍ତୁ ଚିହ୍ନଟ ହୋଇନାହାନ୍ତି । ଯେହେତୁ ଏହା ଗୁରୁତର ରୋଗ କରୁନି, ସମାଜରେ ହର୍ଡ ଇମ୍ୟୁନିଟି ହୋଇଯିବ । ଏବେ ମୁମ୍ବାଇ ପିକ ରେ ପହଞ୍ଚି ଗଲାଣି । ଆଗାମୀ 10-12 ଦିନରେ ଓଡ଼ିଶା ପିକରେ ପହଞ୍ଚିବ । ସେପର୍ଯ୍ୟନ୍ତ କେସ ଲୋଡ଼ ବଢ଼ିବ । ତାକୁ ନେଇ ଭୟଭୀତ ହେବା ଅନୁଚିତ । ତୃତୀୟ ଲହରରେ ଏଯାଏଁ କୋଭିଡ ପରବର୍ତ୍ତୀ ଜଟିଳତା ଦେଖାଯାଇନି । ଏବେ ସାଧାରଣ ଫ୍ଲୁ ଲକ୍ଷଣ ଥିବା ଲୋକଙ୍କୁ ପରୀକ୍ଷା କଲେ 50%ଙ୍କ ପାଖରେ ଓମିକ୍ରନ ବାହାରିବ । ଏବେ ଘରେ ଘରେ ଓମିକ୍ରନ । ଏହା ସମସ୍ତଙ୍କୁ ଆକ୍ରାନ୍ତ କରିବ । ତେଣୁ ସଭିଏ କୋଭିଡ ଅନୁକୂଳ ନିୟମ ମାନନ୍ତୁ କହିଛନ୍ତି ଡାକ୍ତର ନିରୋଜ ମିଶ୍ର।
