ଭୁବନେଶ୍ୱର: ଦୁଇ ସପ୍ତାହ ଧରି ମୁଖ୍ୟମନ୍ତ୍ରୀ ଙ୍କ ସ୍ବାସ୍ଥ୍ୟ କୁ ନେଇ ଅନେକ ଗୁଜବ ବୁଲୁଥିଲା। କିଏ କହୁଥିଲା ମୁଖ୍ୟମନ୍ତ୍ରୀ ଙ୍କ ସ୍ୱାସ୍ଥ୍ୟ ଭଲ ନାହିଁ। ଆଉ କିଏ କହୁଥିଲା ମୁଖ୍ୟମନ୍ତ୍ରୀ ଙ୍କ କ ରୋନା ଲକ୍ଷଣ ଦେଖାଯାଇଛି। ଆଉ କିଏ କହୁଥିଲା ମୁଖ୍ୟମନ୍ତ୍ରୀ ନବୀନ ନିବାସରେ ପଡିଯାଇଛନ୍ତି। ପଂଚୟତ ନିର୍ବାଚନ ଥିବାରୁ ବିରୋଧୀଙ୍କ କ୍ୟାମ୍ପ ରେ ଚର୍ଚ୍ଚାର ରୋଚକ ସାଜିଥିଲା। କିନ୍ତୁ ଆଜି ବିଜେଡି ମୁଖ୍ୟମନ୍ତ୍ରୀ ଙ୍କ ଭିଡ଼ିଓ ଜାରି କରି ଏଥିରେ ଅନ୍ତ ପକାଇଛି। ଆଜି ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜନ୍ମ ଜୟନ୍ତୀ ଅବସରରେ ନବୀନ ନିବାସ ପରିସରରେ ନେତାଜୀଙ୍କ ପ୍ରତିମୂର୍ତିରେ ଶ୍ରଦ୍ଧାଞ୍ଜଳି ଦେଇ ମୁଖ୍ୟମନ୍ତ୍ରୀ ସୁସ୍ଥ ଥିବା ବାର୍ତା ଦେଇଛନ୍ତି। ଏହା ସହିତବୀର ସୁରେନ୍ଦ୍ର ସାଏଙ୍କ ଜନ୍ମ ଜୟନ୍ତୀର ମଧ୍ୟ ତାଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରିବାର ଭିଡ଼ିଓ ମଧ୍ୟ ଜାରି ହୋଇଛି।
